નવા વર્ષના પહેલા જ દિવસે મોંઘવારીની થપાટ, રાંધણ ગેસ સિલિન્ડરના ભાવમાં ધરખમ વધારો
નવા વર્ષમાં ગેસ સિલિન્ડર (LPG gas cylinder) ના ભાવમાં પણ વધારો થયો છે. હવે રસોડામાં ખાવાનું બનાવવાનું વધુ મોંઘુ પડશે. સતત પાંચમા મહિને એલપીજી ગેસ સિલિન્ડર (LPG gas cylinder) ના ભાવમાં વધારો થયો છે.
નવી દિલ્હી: નવા વર્ષમાં ગેસ સિલિન્ડર (LPG gas cylinder) ના ભાવમાં પણ વધારો થયો છે. હવે રસોડામાં ખાવાનું બનાવવાનું વધુ મોંઘુ પડશે. સતત પાંચમા મહિને એલપીજી ગેસ સિલિન્ડર (LPG gas cylinder) ના ભાવમાં વધારો થયો છે. મહાનગરોમાં તેના ભાવમાં 21.50 રૂપિયા સુધીનો વધારો થયો છે. દિલ્હીમાં 19 રૂપિયાના વધારા બાદ ઘરેલુ એલપીજી સિલિન્ડરનો ભાવ 714 રૂપિયા થયો છે. વધેલા ભાવ આજથી લાગુ થયા છે.
2020: આજથી આ 16 મોટા ફેરફાર આવી રહ્યાં છે અમલમાં, ખાસ જાણો નહીં તો પસ્તાશો
ભાવ વધ્યાં
આઈઓસીએલની વેબસાઈટ મુજબ દિલ્હીમાં આજથી 14.2 કિલોવાળા સબસિડીવગરના સિલિન્ડર માટે દિલ્હીવાળાઓએ 714 રૂપિયા ચૂકવવા પડશે. મુંબઈમાં સિલિન્ડરના ભાવ વધીને 684.50 રૂપિયા થયો છે. જ્યારે ચેન્નાઈમાં 14.2 કિગ્રાવાળા સિલિન્ડરનો ભાવ 734 રૂપિયા થશે. આ ઉપરાંત કોલકાતામાં ભાવ 747 રૂપિયા છે.
19 કિલોવાળા સિલિન્ડરનો ભાવ પણ વધ્યો
19 કિલો સિલિન્ડરની કિંમત દિલ્હીમાં 1241 રૂપિયા થઈ છે. કોલકાતામાં 1308 રૂપિયા, મુંબઈમાં 1190 રૂપિયા અને ચેન્નાઈમાં તેના ભાવ 1363 રૂપિયા થયો છે.
Zee News App ડાઉનલોડ કરો, અમારી સાથે જોડાઓ : facebook | twitter | youtube